Тереза Меј во Скопје со британска поддршка за Македонија

Четврток, 17 Мај 2018 | Прочитано 73 пати.


Британската премиерка Тереза Меј ќе допатува во Скопје, по учеството на самитот ЕУ-Западен Балкан во Софија. Дипломатската фела посетата ја толкува како историска, особено поради фактот дека последен пат тоа го направил премиерот Тони Блер во далечната 1999 година


Деветнаесет години откако земјава ја посети поранешниот британски премиер Тони Блер во екот на косовската бегалска криза, денеска во земјава повторно доаѓа британска делегација предводена од премиерката Тереза Меј, поради што дипломатите ја сметаат оваа посета за историска. По тој повод, од кабинетот на британската премиерка информираат дека билатералните односи на двете земји се посилни од кога и да е.


„Оваа година кога одбележуваме 25-години од дипломатските односи меѓу Македонија и Велика Британија, врските меѓу нашите земји се посилни од кога и да е“, се наведува во соопштението од кабинетот на Меј.


Извор: Радио Слободна Европа


[назад]
loading...
Коментари