Граѓаните на ЕУ гласаат за тоа дали се за задржување на летното сметање на времето

Четврток, 12 Јул 2018 | Прочитано 270 пати.

Граѓаните на земјите членки на ЕУ имаат рок до 16 август да гласаат за тоа дали се за задржување на летното сметање на времето или сакаат да се укине оваа, за многумина, неефективна практика.


Изјаснувањето се врши по пат на онлајн-прашалник во кој испитаниците може да дадат свое мислење за тоа дали летното сметање на времето треба да се укине или да се задржи.


Европската комисија започна консултации што ќе траат до 16 август. Консултациите беа иницирани по барање на Европскиот парламент, како и на граѓаните и неколку земји членки во февруари.


Во март 73 отсто од германските испитаници се изјасниле дека повеќе би сакале да се откажат од летното сметање на времето во истражување на германската осигурителна компанија ДАК. Но, малкумина очекуваат дека тоа би се случило во следните пет години.


Летното сметање на времето првично било воведено во неколку европски земји за да се заштеди енергија за време на Првата светска војна.


Европската регулатива бара часовниците во ЕУ да се придвижат напред за еден час во последната недела од март и да се вратат за еден час во последната недела од октомври.

[назад]
loading...
Коментари