Запознајте ја Олде – најстариот пингвин во светот кој има 41 година

 Запознајте ја Олде – најстариот пингвин во светот кој има 41 година

Еден пингвин кој живее во зоолошка во Данска беше прогласен за најстариот пингвин во светот. Со 41 година, Олде е најстариот пингвин кој живее во зоолошка, а доби и сертификат за Гинисов рекорд.

Олде е женски пингвин и живее во зоолошката Odense во Данска, а на дански нејзиното име значи „пра-баба“. На 4-ти октомври годинава Олде влегла и во Гинисовата книга на рекорди, откако се утврдило дека нејзината точна возраст е 41 година и 141 ден.

Овие пингвини живеат на Антарктикот и кога не се во зоолошка, обично живеат околу 15-20 години. Оние кои се чувани во зоолошки, можат да доживеат и 30 години. Олде, пак, ги надминала очекувањата на сите.

zapoznajte-ja-olde-najstariot-pingvin-vo-svetot-koj-ima-duri-41-godina-02.jpg

Наводно, одвреме-навреме се случувало некој пингвин да доживее 30-тина години, но 40 е вистинска реткост. Претходно најстариот пингвин беше од зоолошка во Колорадо, САД, кој умре во 2015-та, на 40-годишна возраст.

Во минатото имало уште еден пингвин за кој се верувало дека бил постар и од Олде и кој умрел на 42-годишна возраст, но не е сигурно дека овие податоци се точни.

„Нашите чувари се професионалци и немаат омилено животно, но може да се каже дека Олде има посебно место во нивните срца.

Целта Олде да добие сертификат за Гинисов рекорд беше важна задача и навистина сме горди на Олде и вработените кои се грижат за неа“, изјавил портпаролот на зоолошката.

zapoznajte-ja-olde-najstariot-pingvin-vo-svetot-koj-ima-duri-41-godina-03.jpg

Двајца од чуварите кои најчесто се грижат за Олде велат дека таа е многу мирна и буквално никогаш немале проблеми со неа.

Сепак, поради возраста, таа си добивала посебен третман. На пример, кога ги хранат другите пингвини, на Олде ѝ ставаат храна настрана за да не мора да се бори со помладите.

Олде е родена на 16-ти мај 1979 во зоолошка во Единбург, Шкотска. Потоа била преместена во Канада, каде што живеела 23 години. Во 2003-та била донесена во зоолошката во Данска, и оттогаш си живее таму.

zapoznajte-ja-olde-najstariot-pingvin-vo-svetot-koj-ima-duri-41-godina-04.jpg

Во текот на животот Олде била мајка на 16 пингвинчиња, па сега им потомци во неколку зоолошки ширум светот.

Според чуварите во зоолошката, иако нејзината возраст е очигледна, таа сепак е во одлично здравје:

„Изгледа малку истрошено и нејзините пердуви не се како во младоста, бидејќи нема доволно енергија да се грижи за нив. Сепак, се движи и јаде добро, па генерално е во ред“.

zapoznajte-ja-olde-najstariot-pingvin-vo-svetot-koj-ima-duri-41-godina-05.jpg