• 21/09/2020

АКО МИЛАН НЕ МОЖЕ ДА ПЛАТИ, МОЖЕ ШАМПИОНОТ – ДОНАРУМА СЕ СЕЛИ ВО ЈУВЕНТУС!

 АКО МИЛАН НЕ МОЖЕ ДА ПЛАТИ, МОЖЕ ШАМПИОНОТ – ДОНАРУМА СЕ СЕЛИ ВО ЈУВЕНТУС!
loading...
Advertisement

Италијанските медиуми пренесуваат дека познатиот агент Мино Рајола му забива нож во грбот на Милан со тоа што ќе го изнесе својот клиент Џанлуиџи Донарума од „Сан Сиро“ и ќе го испрати во Јувентус.

Донарума не сака да го продолжи договорот со „росонерите“. Причината се финансиите. Тој бара неверојатни 10 милиони евра годишно! Ѕвездата на Милан моментално заработува 6.000.000 евра на годишно ниво, но за да потпише нов договор бара покачување од 4.000.000 евра што раководството на „росонерите“ одбило со образложение дека е премногу.

Но ако Милан не може да плати, има кој може. Тоа е италијанскиот шампион Јувентус. „Старата дама“ има потреба од квалитетен и млад голман, а парите за нив не се проблем. Па така се пишува дека идното лето Донарума ќе премине во Јувентус, а од трансферот Рајола ќе инкасира 15 милиони евра.

Ова не е првпат Донарума и Рајола да го „уценуваат“ Милан. Пред неколку години младиот голман беше пред заминување, но после неколку неделни натегања и преговори одлучено е Џиџио да остане на „Сан Сиро“.