Анкара ја осуди резолуцијата на САД за Ерменците

Усвојувањето резолуција во американскиот Конгрес за признавање на геноцидот на Отоманската империја врз Ерменците во почетокот на 20 век ја „загрозува иднината“ на односите меѓу Турција и САД, предупредија турските власти. Сенатот едногласно вчера донесе резолуција со која се признава постоењето на геноцидот врз Ерменците. Претходно тоа го направи и Претставничкиот дом. Историчарите проценуваат дека во текот и по Првата светска војна биле убиени над милион ипол Ерменци.