Планирате да правите торта за роденден или семејно собирање, а немате многу време за подготовка?

Не се грижете, со овој рецепт можете да направите торта истиот ден кога е планирана свеченоста, бидејќи потребно ви е помалку од половина час.

Корите се печат во тавче, со што дополнително ќе ви се олесни, а филот се подготвува буквално за пет минути.

Состојки:

– 270 гр. брашно

– 3 лажици какао

– 1,5 лажички прашок за пециво

– 150 гр. шеќер

– 10 гр. ванилен шеќер + 1 лажичка

– 100 гр. масло

– 360 мл. вода

– 500 гр. свежо сирење

– 180 гр. путер

– 5 лажици шеќер во прав

– овошје за декорација

Подготовка:

Измешајте ги брашното и прашакот за пециво. Потоа додадете ги шеќерот и ванилниот шеќер. Истурете ги маслото и водата и мешајте додека не се соедини смесата. Премачкајте ја тавата и загрејте ја. Смесата печете ја како палачинки. Ви требаат три кори.

Филот направете го така што ќе го измешате сирењето со путерот и шеќерот во прав, па изматете со миксер додека не стане кремасто.

Корите филувајте ги со шприц за слатки и редете ги една врз друга. На крајот преку филот ставете овошје по избор.

Пред да сечете, оставете да отстои во фрижидер.