• 24/09/2020

Ердоган вели дека лично му го вратил заканувачкото писмо на Трамп за инвазијата во Сирија

 Ердоган вели дека лично му го вратил заканувачкото писмо на Трамп за инвазијата во Сирија
loading...
Advertisement

Турскиот претседател Реџеп Таип Ердоган во средата ги отфрли прашањата зошто ги игнорира писмените барања на претседателот Доналд Трамп да ја прекине инвазијата во северна Сирија, велејќи дека тој му го вратил писмото на Трамп, пренесе Политико.

„Ова писмо му беше вратено на претседателот попладнево“, рече Ердоган на заедничката прес-конференција со Трамп во Белата куќа во средата.

Ердоган не одговори директно на прашањето на новинарот за тоа зошто го игнорира барањето на Трамп и продолжи со инвазијата во областа контролирана од Курдите, наместо ги опишуваше терористите на Блискиот исток кои убиле турски државјани.

„И, го вративме писмото што го примивме“, додаде тој.

Неговите забелешки во средата беа слични на иритацијата во врска со невообичаеното писмо на Трамп од октомври во кое тој му вели на Ердоган да не биде „будала“ и „насилник“. Минатиот месец Ердоган го осуди писмото како недипломатско, велејќи: „Не го заборавивме“.

„Ајде да постигнеме добар договор!“, рече Трамп во писмото на 9 октомври. „Не сакаш да бидеш одговорен за колење илјадници луѓе, а јас не сакам да бидам одговорен за уништување на турската економија – а ќе ја уништам“, напиша Трамп.

Претходно беше објавено дека Ердоган го фрлил писмото во ѓубре откако го примил.

„За нашите односи, нема смисла да се задржуваме на ова писмо“, им рече Ердоган на новинарите во октомври. „Ова не е приоритет за нас, но кога ќе дојде време, би сакале да се знае дека ќе ги преземеме неопходните чекори“.