• 28/09/2020

Фламинга долетаа на викенд во Преспанско Езеро

 Фламинга долетаа на викенд во Преспанско Езеро
loading...
Advertisement

Викендов пет розови фламинга се во посета на Преспанското Езеро. Птиците беа забележани во Езерани каде нискиот водостој им овозможува соодветни услови за одмор за време на миграцијата, соопштија од Македонското еколошко друштво.

Фото: МЕД, Фламинга во Преспа

Оттаму појаснуваат дека фламингата не гнездат во Македонија, но досега се забележуваат повеќе пати на прелет. Прв податок за нивно присуство кај нас е од деведесеттите години, повторно во Езерани. Овој пат беше забележена една возрасна единка и 4 млади. Бидејќи птиците гнездат во Грција, Албанија и Црна Гора, биолозите не можат да заклучат каде ќе се упатат по престојот во Преспа.

„Добрата состојба на влажните живеалишта како и широките појаси на трска овозможува птиците да не бидат вознемирувани и безбедно да одмораат и да се хранат. Затоа секогаш е возбудливо да се истражува Езерани за време на миграција“ – изјави Данка Узунова, орнитолог од Македонско еколошко друштво.

Покрај розовите фламинга беа забележани јата на бојници, долгоног пескар и сабјарки. Ниту еден вид од овие птици не гнезди кај нас, сите се тука поради миграцијата која се случува со полна пареа.

Фото: Википедија

Особено е интересно присуството на сабјарки бидејќи тие во Македонија досега се видени само десетина пати.

Фото: Википедија

Ваквите слики не охрабруваат дека напорната работа за зачувување на Езерани има позитивни резултати, додаваат од МЕД.

Фото: Википедија

Езерани е заштитено подрачје повеќе од 20 години и со него управува Општина Ресен која има и посебна ренџерска служба за овој локалите