(Фото) Внимавајте: Непознати лица во име на „Пошта“ мамат граѓани преку интернет, бараат пари за подигнување пратки

АД „Пошта на Северна Македонија“ соопшти дека на социјалните мрежи и на приватни електронски адреси се појавуваат дезинформации за достава на поштенски пратки и износ кој корисникот треба да го плати за да ја подигне својата пратка.

Оттаму информираат дека не стојат позади ова и додаваат дека станува збор за неовластено преставување во нивно име.

„АД „Пошта на Северна Македонија“ не стои зад овие објави, а секое неовластено претставување во име на Пошта на Северна Македонија претставува класична злоупотреба и е предмет за кривична и друга законска одговорност.

Сите вакви случаи кои стигнуваат до нас, веднаш се документираат и се пријавуваат до МВР на понатамошно постапување. Единствено и официјално известување за достава на вашите пратки го вршат нашите пошторазнесувачи. Ви благодариме што го пријавувате секој неовластен обид за злоупотреба на Пошта“, стои во соопштението на АД „Пошта на Северна Македонија“.