Хаос во Суецкиот канал: Голем брод се насука и предизвика невидена блокада

 Хаос во Суецкиот канал: Голем брод се насука и предизвика невидена блокада

Голем товарен брод го блокираше Суецкиот канал откако се насукал под налет на силен ветар. Поради ова, стопиран е водниот сообраќај во една од најфреквентните трговски траси на светот.

Станува збор за тајвански брод на компанијата „Марин Евергрин“ долг 400 и широк 59 метри. Бродот е насукан така што оневозможува другите бродови да поминат низ каналот.

Надлежните власти соопштија дека прават се за да му помогнат на бродот што поскоро да го продолжи својот пат, иако се стравува дека блокдата на фреквентниот канал би можела да потрае со денови.

Суецкиот канал ги поврзува Средоземното и Црвеното море и е од огромно значење со оглед на тоа што значително ја скратува поморската врска помеѓу Европа и Азија.

>
>