Информативна сесија за книжевно преведување во Струга

Во рамките на серијата работилници за книжевен превод организирани во различни градови во земјата, а во врска со конкурсот за најдобар млад преведувач „Вавилон“, на 02.12.2019 година, понеделник, во просториите на Универзитетот ФОН во Струга, во 12.00 часот ќе се одржи информативна сесија, проследена со практични вежби за книжевно преведување.

Работилницата ќе ја водат членовите на МАТА и докажани книжевни преведувачки, Огнена Никуљски, Љубица Арсовска и Никола Ѓелинчески и е отворена за учество за сите што ги интересира конкурсот „Вавилон“ или книжевниот превод.

Извор:Strugaonline