Израелската полиција интервенираше врз муслиманите по утринската молитва во „Ал Акса“: Повредени 10 лица

 Израелската полиција интервенираше врз муслиманите по утринската молитва во „Ал Акса“: Повредени 10 лица

По утринската молитва во Харем-и Шериф, стотици лица се собраа на ова место, а носеа знамиња на Палестина и Хамас.

КУДС

Израелската полиција повреди 10 лица во интервенцијата со гумени куршуми и звучни бомби врз муслиманите по излегувањето од утринската молитва во џамијата „Ал Акса“, јавува Агенција Анадолија (АА).

По утринската молитва во Харем-и Шериф, стотици лица се собраа на ова место, а носеа знамиња на Палестина и Хамас.

Стотиците лица извикуваа пароли како „Акса, нека ни е жртвуван животот за тебе“ и „Сите ние сме Шејх Џерах“ (име на населба во Источен Кудс од каде што Израел сака да ги отстрани Палестинците од нивните домови), а потоа маршираа кон различните порти на Акса.

Како што пренесе фоторепортерот на АА од местото на настанот, израелските полицајци причекале на излезот на две порти на Акса, а потоа интервенирале со гумени куршуми и звучни бомби врз муслиманите што излегувале од Акса.

Младите Палестинците ѝ возвратија на полицијата со камења и шишиња.

Според соопштението на палестинската Црвена полумесечина, во интервенцијата на израелските полицајци со гумени куршуми биле повредени 10 Палестинци.

Израелската полиција приведе неколку млади Палестинци. Интервенцијата траеше околу половина час, а потоа состојбата се врати во нормала.

>
>