• 23/09/2020

Казни од по 3.000 евра за 4 лица кои за време на полициски час се шетале по Струга и едреле во езерото

 Казни од по 3.000 евра за 4 лица кои за време на полициски час се шетале по Струга и едреле во езерото
loading...
Advertisement

Основното јавно обвинителство од Струга до надлежниот суд поднесе предлози за парични казни од по 3.000 евра за четири лица, од кои тројца го прекршиле полицискиот час, а едно лице ја прекршило мерката за државен карантин.

Сите дела за кои се товарат се казниви по член 206 став 1 од КЗ за непостапување според здравствените прописи за време на епидемија.

– Двајца од обвинетите го прекршиле полицискиот час и без да поседуваат дозвола пловеле со едрилици низ Охридското Езеро, велат од обвинителство, пренесе порталот voxstruga.mk.

Едно лице е обвинето затоа што се движело пеш низ Струга во време кога во сила била забраната за движење, додека четвртиот обвинет не ја почитувал задолжителната мерка за строга изолација. Тој по пристигнување на територијата на државата имал обврска да биде во 14-дневен државен карантин во хотел „Дрим“ во Струга, но од страна на полициските службеници бил затекнат како се движи низ ходникот од објектот.

Надлежниот јавен обвинител за сите обвинети му предложи на Судот да определи парични казни од 100 дневни глоби, а вредноста на една дневна глоба да биде одредена на 30 евра во денарска противвредност.

voxstruga.mk фото: архива

извор: ohridpress.com.mk