Казни за горење трска и насипување земја на струшкото крајбрежје

 Казни за горење трска и насипување земја на струшкото крајбрежје

Инспектор од Државниот инспекторат за животна средина – ДИЖС, по дојава на Министерството за внатрешни работи на 5 март март направи контрола на запалена трска на струшкото крајбрежје на потегот кон село Калишта. Оваа нелегална активност на палење трски, со цел формирање плажи или платформи на крајбрежјето, е честа во март и април, соопшти денеска ДИЖС.

Со цел да се спречи оштетување на природното наследство – Охридското Езеро и крајбрежјето од палењето трски, Државниот инспекторат за животна средина на 12 март иницираше соработка со општина Струга и Одделението за внатрешни работи (ОВР) во Струга. Началникот на ОВР Струга ќе ги зајакне патролите и во соработка со Државниот инспекторат за животна средина ќе се изрекуваат казни за сопствениците на парцелите што граничат со државно земјиште на кое е запалена трска, се наведува во соопштението.

Началникот, се додава во соопштенито известил и за насипување земја на крајбрежјето и во самото езеро во близина на изгорените трски.

Државниот инспекторат ќе покрене кривична пријава против познат сторител за „загрозување на животната средина и природата со отпадни материи”, врз основа на посетата на терен и документацијата од истрагата што е спроведена од страна на ОВР Струга.

извор:OhridNews

>
>