Куќите ги снема за секунда: Свлечиште направи катастрофа во Норвешка, 15 лица се исчезнати…

 Куќите ги снема за секунда: Свлечиште направи катастрофа во Норвешка, 15 лица се исчезнати…

Десет лица се повредени од кои едно се наоѓа во критична состојба, додека 15 се водат како исчезнати откако свлечиште на југот на Норвешка однесе десетина куќи во раните утрински часови.

Исчезнатите се од најтешко погоденото подрачје, а спасувачките екипи се во потрага по преживеани. Засега не е јасно дали се наоѓаат во урнатините, или успеале да побегнат на време.

Началникот на локалната полиција изјави дека подрачјето и натаму е нестабилно и дека може да се пристапи само со хеликоптер.

„Ова требаше да биде мирен новогодишен викенд во кој луѓето највеќе требаше да се грижат за коронавирусот, а не за луѓе исчезнати во свлечиштето“, изјави норвешката премиерка Ерна Солберг.