Поттикнати од наглиот скок на бројот на новозаразени лица предизвикани од делта сојот на коронавирусот и застој во процесот на вакцинација, владите на многу од земјите воведуваат задолжителна вакцинација на работниците во здравствените и други установи.

Покрај тоа, расте и бројот на земјите кои воведуваат задолжителна вакцинација на државните службеници и други категории на работници. Ова е попис на земјите кои вовеле задолжителна вакцинација, подредени по категории на граѓани на кои истата се однесува.

Сите возрасни луѓе

Во Индонезија задолжителна вакцинација е воведена уште во месец февруари, па секој кој не сака да прими вакцина предупреден е на можно плаќање на парична казна или одземање на право на социјална помош и користење на јавните услуги. Во Микронезија, држава во јужен Пацифик, вакцинацијата на возрасните е задолжителна од месец мај, додека пак во Туркменистан вакцинацијата е задолжителна за сите жители постари од 18 месеци.

Во Канада во месец октомври донесена е одлука сите невакцинирани државни службеници да бидат принудени да земат неплатен одмор, а вакцината е задолжителна за сите патници во авион, возови и бродови.  Исто така кажано е дека сите 338 членови на канадскиот парламент да мора да бидат вакцинирани со две дози против Ковид-19 пред вратите на истиот да се отворат на 22 ноември.

Во Данска на 12 ноември предложен бил закон кој на работодавците им овозможува од вработените да бараат ковид-потврда. Тој закон по итна постапка може да стапи насила во текот на овој месец.

Во Египет од вработените во јавниот сектор по 15 ноември ќе се бара да бидат вакцинирани или да се тестираат на вирусот еднаш неделно, додека пак во Унгарија во октомври беше најавено дека од вработените во државните институции ќе се бара да бидат вакцинирани како и од здравствените работници.

Во Италија ковид-потврдите се задолжителни од октомври. Вработените без потврда за вакцинација, негативен тест или доказ за неодамна прележана болест ќе бидат привремено оддалечени од работното место, а исто така им се заканува и парична казна доколку продолжат да одат на работа.

Во Тунис од октомври одлучено е сите службеници, вработени и посетители на згради од јавни и приватни управи да мора да приложат потврда за вакцинација. Невакцинираните работници ќе бидат привремено оддалечени од работа додека не бидат во можност да покажат потврда.

Во САД претседателот Џо Бајден на 10 септември им нареди на сите државни службеници и давачи на јавна услуга задолжителна вакцинација или тестирање еднаш неделно за работниците во приватниот сектор, а оваа одлука насила според Уредбата стапува на 4 јануари.

Здравствени работници

Во Австрија од крајот на јуни задолжителна вакцинација на работниците во високоризичните установи како оние за стари и немоќни лица и карантински хотели. Во Велика Британија исто така во јуни воведена е задолжителна вакцинација за работниците во домовите за стари лица, а здравствените работници мора да бидат вакцинирани до 1 април наредна година.

Во Франција сите здравствени работници и работниците во домовите за стари лица, медицински техничари за нега во домовите и Брза помош морале до 15 септември да бидат вакцинирани барем со една доза.

Во Грција исто така задолжителна е вакцинацијата од јуни за сите работници во домовите за стари лица, а од септември и за сите здравствени работници.

Останати сектори

Во Западна Австралија сите вработени во рударството и истражување на нафтата и плинот до 1 декември мора да примат прва доза од вакцината, а втората до 1 јануари.

Главниот град на Кина, Пекинг, бара задолжителна вакцинација за клучните работници за на градилиштата, што вклучува и готвачи, обезбедување и хигиеничари, додека пак во Казахстан задолжителна вакцинација или тестирање еднаш неделно е воведено за лица кои работат во групи со повеќе од 10 луѓе.

Одење на јавни настани и во ресторан

Во Австрија, милион луѓе кои не се целосно вакцинирани против Ковид-19 од 15 ноември се ставени во карантин. На невакцинираните веќе им е забранет влез во ресторани, хотели, кина…

Во Бугарија од 21 октомври задолжителна ковид-пропусница за лица кои посетуваат јавни места како кафулиња, хотели, концертни сали, музеи и базени.

Во Чешка од 20 октомври најавено е дека рестораните и клубовите ќе мора да проверуваат ковид потврди за вакцина или негативен тест на луѓето. Во Данска исто така потребна е потврда за влегување во кафуле, ресторан и други затворени јавни простори.

Во Франција од средината на декември на лицата постари од 65 години ќе им биде потребна потврда за вакцинација за да можат да влезат во ресторан, воз, авион. Холандија во септември претстави здравствен потврда за вакцинација која овозможува влегување во кафулиња, ресторани, клубови и на културни настани, додека пак Романија од 25 октомври бара задолжителна потврда за вакцинација за влез во повеќе јавни простори.