Над 600-тини израелски доселеници упаднаа во комплексот Ал Акса во Кудс

Одделот за исламски вакуф, управуван од Јордан, кој ги надгледува светите места во Кудс, соопшти дека 622 доселеници упаднале во комплексот на џамијата Ал Акса во групи под силна полициска заштита и таму останале повеќе од три часа

Кудс (АА) – Стотици израелски доселеници насилно влегоа во комплексот на џамијата Ал Акса во окупираниот Источен Кудс (Ерусалим), според палестинската агенција, јавува Агенција Анадолија (АА).

Во соопштението, Одделот за исламски вакуф, управуван од Јордан, кој ги надгледува светите места во Кудс, рече дека 622 доселеници упаднале на локацијата во групи под силна полициска заштита и останале повеќе од три часа во комплексот.

„Пред нивниот упад, израелската полиција ги принуди палестинските верници да ги напуштат дворовите на џамијата Ал Акса, каде што беа држени во џамијата Кибли, една од главните џамии на Ал Акса, за време на турнејата со доселениците“, рекоа очевидците.

Според претходните изјави, стотици доселеници упаднале во комплексот Ал Акса од неделата за да го одбележат својот еднонеделен еврејски празник Пасха.

Напнатоста се зголеми на палестинските територии од петокот кога израелските сили упаднаа во дворовите на џамијата Ал Акса и ги нападнаа верниците, при што беа повредени стотици.

Џамијата Ал Акса е третото најсвето место во светот за муслиманите. Евреите ја нарекуваат областа „Градот на храмот“, тврдејќи дека тоа било место на два еврејски храма во минатото.

Израел за време на Арапско-израелската војна во 1967 година го окупираше Источен Кудс, каде што се наоѓа Ал Акса. Го анектираше целиот град во 1980 година со потег што никогаш не беше признат од меѓународната заедница.