Наредена итна евакуација на неколку области во Австралија

Предупредување за „итна евакуација“ од највисоко, седмо ниво, е издадено за седум подрачја, меѓу кои е крајбрежното одморалиште Нуса, 150 километри северно од главниот град на државата Квисленд, Бризбејн. Противпожарната служба на оваа држава соопшти дека условите се многу опасни и дека пожарникарите можно е наскоро да не можат да го запрат ширењето на огнот, заради што можно е да дојде и до загрозување на животите на луѓето, пренесуваат британските меидуми.

Во Австралија е наредена итна евакуција на неколку области, меѓу кои и на главната туристичка дестинација Нуса, додека пожарникарите се борат со повеќе од 150 пожари што беснеат ширум континентот.

На ширењето на пожарите им погодуваат екстремно сушните временски услови во Нов Јужен Велс и Квинсленд, каде во некои делови дожд не заврнал цели три години.