Османлиската џамија во Битола, чија реставрација ја врши Турција, го чека денот кога ќе биде отворена

Џамијата е изградена од Хаџи Махмуд-бег, управителот од тој период, според одредени гласини во 1521/22 година, според други во 1532 година, а била обновена во 1875 година

БИТОЛА (АА) – Џамијата Хаџи Махмуд-бег во Битола, еден од културно-историските споменици од османлискиот период, која е во фаза на реставрација од страна на Генералниот директорат на вакафи на Турција, го чека денот кога ќе биде отворена за богослужба, пишува Агенција Анадолија (АА).

Џамијата е изградена од Хаџи Махмуд-бег, управителот од тој период, според одредени гласини во 1521/22 година, според други во 1532 година, а била обновена во 1875 година.

Џамијата се наоѓа во Старата чаршија во Битола близу до реката Драгор, која го дели градот на два дела, џамијата е позната и како Хаџи-бегова џамија.

За време на Првата светска војна куполата на џамијата била оштетена поради интензивното бомбардирање, а балконот на минарето е уништен од земјотресот кој се случи во градот во 1996 година.

Експертот за византиска и османлиска уметност, архитектура и археологија д-р. Роберт Михајловски, во својата статија со наслов „Битолските џамии од 16. век“, наведува дека градот Битола најинтензивниот развој на османлиската архитектура го доживеал со изградбата на монументалните верски објекти во 16. и 17. век.

Михајловски, наведувајќи дека џамиите изградени во овој град ги носат трагите на сите три престолнини на Османлиското Царство, џамијата Хаџи Махмуд-бег ја опишува како остаток од традиционализмот на Бурса во регионот.

– Реставрацијата започна во 2019 година –

Онур Атар, градежен инженер, сопственик на компанијата „Leda Restorasyon“, која ги презеде реставраторските работи на џамијата, за Агенција Анадолија (АА) истакна дека реставраторските работи започнале во 2019 година.

Наведувајќи дека џамијата, која е изградена во 16. век, откако Османлиите го напуштиле регионот се користела за различни намени, како коњушница и складиште за градежен материјал, Атар рече дека за време на Втората светска војна на куполата на џамијата паднала бомба.

Тој истакна дека за време на реставрацијата откриени се парчиња од бомбата што ја оштетиле куполата, и дека пред реставрацијата, џамијата била целосно во урнатини.

Атар, наведувајќи дека имало прекини во работите поради епидемијата на коронавирусот (Ковид-19), но дека 80 отсто од работите се сега завршени, нагласи дека реставраторските работи планираат да ги завршат во јули или август.

– Просторот каде што се наоѓа џамијата е познат како област на рибарите –

Додавајќи дека населението на Битола и регионот е културно население, Атар сподели и интересна приказна за подрачјето во кое се наоѓа џамијата.

„Името на областа се нарекува рибарска. Тоа се должи на почитта на луѓето кон џамијата. Околу џамијата не се продавало свинско месо, туку само риба. Затоа ова место се нарекува област на рибарите“, рече Атар.

Потсетувајќи дека реставраторските работи на џамијата „Хајдар Кади“ во Битола, завршиле во 2016 година, Атар рече дека луѓето од регионот направиле сè за да помогнат во изградбата на џамијата.

Атар сподели информации за реставраторските работи внатре и надвор од џамијата: „Прво ја исчистивме целата џамија од цемент. Имаше малтер направен претходно. Исчистивме сè и почнавме со армирање. Со карбонски шипки и карбонски ткаенини ја зацврстивме внатрешната и надворешната страна на џамијата, соодветно на проектот. Минарето на џамијата е срушено во земјотресот пред неколку години. Најдовме стари фотографии од џамијата, соодветно го комплетиравме и минарето. Потоа ја малтерисувавме џамијата согласно на проектите што ни ги испрати Генералната дирекција на вакафи“.

Истакнувајќи дека срушиле 10-15 околни продавници за да го создадат комплексот на џамијата, Атар нагласи дека изградиле тоалети, тоалети за инвалиди, канцеларии за Исламската верска заедница и една продавница.

Тој наведе дека на задниот дел од џамијата има голема површина и дека тоа место во минатото се користело како гостилница: „И тоа место е срушено. Сега таму ќе се изгради амфитеатар. А ќе биде изградена и фонтана. Старите балустради што ги отстранивме од минарето на џамијата планираме да ги изложиме во еден дел од амфитеатарот.“

Атар додаде дека одделно ги изложуваат доградбите и реновирањето на џамијата направени во 18. век.