• 19/09/2020

Паѓа бројот на заболени од новоименуваниот коронавиру

 Паѓа бројот на заболени од новоименуваниот коронавиру
loading...
Advertisement

Кина денеска пријави најмал број на новозаболени од коронавирусот, или КОВИД-19, од крајот на јануари, давајќи им тежина на предвидувањата на кинески научници дека ширењето на вирусот може да запре до април.

Меѓународните научници засега не се согласни со предвидувањата дека вирусот од кој досега починаа 1.100 луѓе, речиси сите во Кина, би можел да се запре така брзо, и предупредуваат од преголем оптимизам.

Главниот кинески епидемиолог за инфекцијата, Жонг Наншан вели дека бројот на новозаболени паѓа во некои провинции, и предвидува дека епидемијата ќе ја доживее својата кулминација овој месец.
„Се надевам дека оваа епидемија би можела да заврши до април“, вели Жонг, чии претходно проценки за крајот на епидемијата се покажаа неточни.

Вкупниот број на заболени од коронавирусот во Кина се искачи на 44,653, вклучително и 2,015 новозаболени во вторникот. Тоа е најмалиот дневен раст од 30 јануари. Кина минатата недела го измени правилникот за превенција и контрола на коронавирусот и наложи за потврдени случаи да се сметаат само оние кои имаат клиничка потврда.

Иако кинеските власти велат дека состојбата е под контрола, Светската здравствена организација (СЗО) предупредува дека епидемијата претставува потенцијална глобална опасност поголема и од тероризмот.
„Светот мора да се разбуди и да го смета овој непријателски вирус за јавен непријател број еден“, изјави првиот човек на СЗО, Тедрос Аданом Гебрејесус, додавајќи дека за изработка на вакцина за вирусот ќе бидат потребни уште 18 месеци.