Пет протести пред бугарското Народно собрание за време на дебатата за гласање недоверба на владата на Петков

Пет протести пред бугарското Народно собрание за време на дебатата за гласање недоверба на владата на Петков

Денеска пред зградата на Народото Собрание во Софија ќе се оддржат пет протести против бугарската Влада на премиер Кирил Петков, соопштија властите во земјата.

Како што пренесува дописникот на МИА од Софија, станува збор за протести на движењето „Да, Бугарија”, партијата „Препород”, партијата ВМРО-БНД , здружението „Толерантност” и национално движење „Хан Кубрат”.

Протестите ќе се одржат по повод денешната расправа за гласањето недоверба на владата на Петков, што до Народото собрание беше поднесена од ГЕРБ на крајот на минатата недела.

Повод за побараното гласање недоверба е политиката на Петков кон Северна Македонија, која овие партии ја сметаат за предавничка.

Полицијата ќе ги оддели демонстрантите, а пред јужниот дел на зградата на Народното собрание ќе бидат противниците на бугарската Влада, а од северниот дел ќе протестиреаат неговите поддржувачи. Бугарското Министерство за внатрешни работи ги почнало проверките за индициите за насилство, кое може да се очекува на протестите денеска и утре.

Министерот Бојко Рашков, изјави дека полицијата почнала да спроведува информативни разговори со организаторите на протестите за кои на социјалните мрежи има сведоштва дека може да предизвикаат насилство.

По завршувањето на ризичната дебата на гласање недоверба на владата поддржувачите на бугарската Влада по 18 часот ќе одржат митинг за нејзина поддршка, а се очекува на него да зборуваат премиерот Кирил Петков, како и министри од владеачката коалиција и најголемата партија „Промените продолжуваат”.

Можеби ке те интересира




This will close in 0 seconds

Generated by Feedzy