Пиперки полнети со сирење и компири

Полнетите пиперки навистина не мора да бидат со мелено месо. Обидете се со овој рецепт и веруваме дека ќе ги засакате повеќе. 

Состојки:

Четири бабури
Еден исецкан кромид
Малку сецкан праз
Еден рендан морков
Едно чешне лук
Пет компири исецкани на коцки
150 гр сирење
Зачини и масло

Подготовка:

Најпрво запржете ги кромидот и празот, па ставете го лукот и морковот. Ставете ги компирите и оставете да се издинстаат убаво. Смесата треба да се излади. Кога е ладна, додајте го сирењето. 

Загрејте ја рерната на 200 степени. Полнете ги пиперките и наредете ги во сад за печење. Кога ќе ги ставите да се печат, веднаш намалете на 150 степени. 

Ако ви треба храна за повеќе луѓе, зголемете ги пропоционално наведените дози.