Продолжува акцијата за чистење на устието и коритото на Црн Дрим во Струга

Продолжува акцијата за чистење на наталожениот материјал на испустот на реката Црн Дрим, како и речното корито во Струга.

Станува збор за активност која е дел од проектот „Подобрување на управувањето со заштитените подрачја“, финансиран од Европската унија, кој го спроведува УНДП во соработка со Министерството за животна средина и просторно планирање, а која започна во понеделникот, на 31-ви август. Истата е неопходна за справувањето со загадувањето на Охридското Езеро што во последните неколку децении го предизвикува реката Сатеска со носење на наноси кои се штетни за езерото.

Со чистењето ќе се подобри пропусната моќ на коритото, ќе се зголеми капацитетот на собирањето на атмосферските води и со тоа ќе се намалат и ризиците од поплави. Истовремено, со чистењето на делот кај пристаништето и трските, конечно, по долги години, во Струга ќе може да собраќаат и поголеми пловила и да се одвива бродски сообраќај со соседните градови и туристички населби.