Рецепт за неодоливи триаголници со месо од готови кори: Брзо, едноставно и вкусно
Питите се релативно брзо јадење за подготовка, а секогаш ги обожуваат луѓето на кои им ги нудите – прекрасен избор се и за појадок и за вечера.
– 500 грама кори за пита;
– 2 средни главици кромид;
– 500 грама мелено јунешко месо;
– 1 чаша кисела павлака;
– 3 јајца;
– 200 милилитри кисела вода;
– 150 милилитри масло за јадење;
– 2 лажици сол;
– 1 лажица бибер;
– 2 чешниња лук;
– сусам.
Ситно исечкајте го кромидот и пржете го на масло за јадење и малку вода. Потоа додадете го ситно исечканиот лук, меленото месо и зачините.
Во друг сад изматете ги јајцата, павлаката, киселата вода, сол, бибер и масло за јадење.
Сите кори по должина пресечете ги на половина.
Еден преполовен дел од кората премачкајте го со преливот од јајца и павлака, ставете ја кората над него, а потоа нанесете го филот.
Замотајте ја кората во вид на триаголник и продолжете ја постапката додека не го потрошите цел материјал.
Готовите триаголници ставете ги во плех за печење, премачкајте ги со преливот од јајцата и павлака, ставете сусам над нив и печете во загреана рерна на 200 степени Целзиусови.
Кога ќе заруменат, извадете ги и послужете.
Пријатно јадење!
Извор:Точка
