Рестриктивните мерки во Италија остануваат во сила за време на викенд

 Рестриктивните мерки во Италија остануваат во сила за време на викенд

People wearing protective masks walk along the principal shopping street of Via del Corso, as the number of people infected by the coronavirus disease (COVID-19) continues to rise, in Rome, Italy, November 14, 2020. REUTERS/Remo Casilli

Италијанската влада донесе одлука да останат рестриктивните мерки во текот на викендот за да се спречи ширењето на коронавирусот, но ограничувањата ќе бидат намалени во текот на работните денови.

Италијанците поголемиот дел од празниците ги поминаа во своите домови, а на граѓаните им беше дозволено да ги напуштат своите домови само за да одат на работа, на лекар или во итни случаи.

Овие правила престануваат да важат в четврток, а на синоќешниот состанок на италијанската влада беше донесена одлука за повторно воведување на систем што овозможува да се воведат различни мерки поединечно од регион до регион, објави „Ројтерс“.

За време на викенд ќе бидат затворени сите барови и ресторани, додека движењето меѓу градовите ќе биде ограничено на минимум.

Владата, исто така, одлучи да го одложи отворањето на средните училишта до понеделник, додека локалните власти на северот на провинцијата Венето, на која и припаѓа и Венеција, одлучија да не ги отвораат училиштата до 31 јануари.

Од почетокот на пандемијата во Италија починаа околу 76.000 луѓе како резултат на Ковид-19, што ја рангира Италија на петтото место во светот по бројот на жртви на коронавирусот.

>
>