СЛЕДУВААТ СЕРИИ НА ВЛАЖНИ ВОЗДУШНИ БРАНОВИ – ОД ЧЕТВРТОК НАВЕЧЕР ВРАЌАЊЕ НА ВИСТИНСКАТА ЗИМА

 СЛЕДУВААТ СЕРИИ НА ВЛАЖНИ ВОЗДУШНИ БРАНОВИ – ОД ЧЕТВРТОК НАВЕЧЕР ВРАЌАЊЕ НА ВИСТИНСКАТА ЗИМА

Од денес до четврток нашата територија ќе биде под влијание на серија влажни воздушни бранови кои ќе условуваат променливо време со повремени врнежи од дожд. Поинтензивни врнежи ќе има во западните предели каде локално ќе наврнат над 25 л/м2 воден талог. Локално ќе има услови и за појава на грмежи а ќе дува и умерен до засилен, повремено на некои места и силен ветер од јужен и од југозападен правец. Услови за врнежи од снег ќе има само на највисоките планини на запад. Температурите ќе се искачуваат во интервалот од 11 до 18 степени.

Во Скопје и околината времето ќе биде променливо облачно со услови за повремени врнежи од дожд. Ќе дува и умерен до засилен ветер од јужен правец. Максималната дневна температура на воздухот ќе се искачува во интервалот од 13 до 16 степени.

Потоа од четврток навечер и во текот на ноќта кон петок се очекува нагло и големо заладување на времето проследено со засилен ветер од северен правец и локални врнежи кој од дожд ќе преминуваат во снег.

За нови, детални и по потреба обновени метео информации, следете го официјалниот фејсбук профил на Славчо Попоски тука

>
>