Словенечките војници се вратија од Ира

Словенечките војници се вратија од Ира

Шестмината словенечки војници, кои беа на мисија во ирачкиот град Ербил, доцна синоќа се вратија во својата земја со владин авион, јави дописникот на МИА од Љубљана.

Војниците кои се наоѓаа во базата, која пред неколку денови беше цел на иранскиот ракетен напад, според непотврдени информации, со таен лет биле префрлени од Ербил до Анкара, каде што ги чекал службениот авион на словенечката Влада кој ги донел на аеродромот Брник во Љубљана.

Словенечкиот министер за одбрана Карл Ерјавец изјави дека повлекувањето се совпаѓа и со редовната ротација на војниците која требаше да се случи на 1 февруари.

Словенечките војници засега се единствените кои по иранскиот ракетен напад се повлекоа од Ирак.