Словенија од ноќеска го затвори авиосообраќајот до 30 март

Од ноќеска на полноќ, Словенија целосно го забрани патничкиот авиосообраќај. Забраната за летови до земјите членки на ЕУ и до другите држави ќе трае до 30 март. Мерката може да биде продолжена доколку има потреба за такво нешто.

Забраната не важи за карго-авионите. Дозвола за летање ќе добијат и сите летала кои ќе носат лекови и медицински материјали, како и оние кои ќе превезуваат болни лица.

Државата прави напори да ги врати сите словенечки државјани кои се во трети земји. Од друга страна, пак, во Словенија има заглавено руски државјани, и земјата е во комуникација со Русија за враќање на истите во нивната земја.