Сообраќајка кај струшко Ложани, повредени три лица

На 23-ти октомври 2021 година, во 14:00 часот во Полициската станица во Струга било пријавено дека на локалниот пат кај струшкото село Ложани, се случила сообраќајна незгода во која се повредени три лица.

– Во незгодата учествувале патничко возило марка „Фолксваген туран“, управувано од 68-годишниот Н.М. од селото Ложани и патничко возило „Фолксваген венто“, управувано од 23-годишниот В.В. од селото Велешта, струшко, двете со струшки регистарски ознаки. Во незгодата со тешки телесни повреди се здобила сопатничката во возилото „Фолксваген туран“, 56-годишниот Л.М. од селото Ложани, додека двајцата возачи се здобиле со телесни повреди, констатирани во Медицинскиот центар во Струга. Увид извршила екипа од Полициската станица во Струга, информираат од МВР.