• 23/09/2020

Струга, украдени новогодишни украси, штета од неколку илјади евра

 Струга, украдени новогодишни украси, штета од неколку илјади евра
loading...
Advertisement

Новогодишни реквизити поставени на разни локации низ Струга се уништени, искинати, а дел од нив се и украдени. Штетата изнесува неколку илјади евра, а оштетувањето почнало уште откако новогодишните украси биле поставени. Во два наврати опремата била преинсталирана, но повторно била уништена или украдена и покрај тоа што е под електричен напон.

„Се работи за поголем дел на мрежи кои беа нафрлени на жбуновите по кејовите и истите веќе не се во функција. Добро е што не се случија некои трагични настани. Подобро воопшто да не светне новогодишно градот, отколку да имаме еден човечки живот“, рече Иван Клечкароски-директор на ЈП Комуналец, Струга.

Граѓаните се разочарани од некултурното однесување на некои поединци.

Јас ќе дадам решение. Градоначалникот на Струга треба да постави и да покрене иницијатива за поставување на камери во градот во сите улици, за да може да бидат фатени сторителите.“

„Не е убаво тоа да се прави во денешно време. Тоа е украсно за Нова Година и треба да се зачува. Можеби е и намерно…“, реагираат граѓаните.

Уништувањата и кражбите биле пријавени во полиција. Исти проблеми во Струга имаше и лани кога беше украдена дел од урбаната опрема за украсување, а дел беше уништена.

Извор:Alsat M