Струга:Во сообраќајна незгода тешко повреден велосипедист, физички нападнат жител на Вевчани

Портпаролот на СВР Охрид, Стефан Димоски, информира дека на 11.05.2020 година, во 18.40 часот на улица „Партизанска“ во Струга патнички автомобил „Опел Астра“ со охридски регистарски ознаки, управуван од 28-годишен охриѓанец удрил во велосипед управуван од 40-годишно лице од Струга. Велосипедистот се здобил со тешки телесни повреди и бил задржан на лекување во Општата болница во Струга. Возачот на автомобилот се здобил со телесни повреди и е пуштен на домашно лекување. Увид е извршен од полициски екипи.

Димоски информира и за инцидент што се случил вчера, кога од страна на 44-годишен жител на Вевчани, било пријавено дека околу 16.30 часот во Вевчани бил физички нападнат од 48-годишен сожител. ОВР Струга презема мерки за расветлување на настанот.

Инаку, во текот на изминатото деноноќие (12/13.2020 година), за време на полицискиот час и спроведувањето на мерките за ограничено движење и заштита на граѓаните од ширење на коронавирус КОВИД-19, според статистичките податоци на МВР, на подрачјето на СВР Охрид, две лица не ја почитувале забраната за движење (Охрид-1, Струга-1). Тие се приведени и против нив ќе биде поднесена кривична пријава. Во истиот период, не се пријавени и регистрирани кражби и сообраќајни незгоди.

На подрачјето на СВР Охрид, полициските службеници извршиле 3 контроли врз лица во изолација и 34 контрола врз лицата во самоизолација. Во истиот период, полициските службеници извршиле 61 контроли на угостителски и други објекти.