Свечено отварање на „Подгорка“ од Струга, инвестиција вредна 5,5 милиони евра со поддршка од ИПАРД

Во тек е свеченото отварање на преработувачкиот капацитет кофинансиран од ИПАРД – „Подгорка“ во Струга.

Сопственикот на инвестицијата Мевмед Џемајловски денеска ја претстави својата инвестиција како една од поголемите домашни инвестиции, вредна 5.5 милиони евра и кофинансирана со средства од ИПАРД програмата. Станува збор за компанија која што се занимава со производство, обработка, расекување и пакување на месо по најсовремени стандарди и која ќе обезбеди 80 работни места за македонските граѓани.

На свеченото отварање се присутни премиерот Зоран Заев, министерот за земјоделство, шумарство и водостопанство Трајан Димковски, директорот на Платежната агенција, Николче Бабовски како и други функционери, директори на институции, амбасадори, агробизисмени, домашни и странски гости.

Сопственикот Џемајловски изрази огромна благодарност до државните институции кои брзо и навремено помогнале во процесот на подготовка и комплетирање на потребната документација во процесот на аплицирање.

„Институциите ја препознаа и разбраа економската важност на нашата инвестиција. Објектот е изграден според стандардите за енергетска ефикасност, а производствениот процес во фабриката се одвива според најмодерни европски стандарди. Нашата цел е да ги отвориме регионалните пазари и да извезуваме во соседните земји“, соопшти сопственикот на „Подгорка“.

Извор:agrotim.mk