Вакцинацијата против грип ќе почне за 11 дена

 Вакцинацијата против грип ќе почне за 11 дена

vaccine vaccination child baby doctor injection pediatrician injecting arm health immunization hand hospital needle syringe concept – stock image

Министерството за здравство информира дека вакцинацијата против сезонски грип почнува на 22 ноември 2019 година. За претстојната сезона 2019-2020 година, набавени се 28.000 бесплатни вакцини за лица над 65 години, лица со хронични заболувања, деца на возраст од 6 месеци до 5 години, бремени жени, како и здравствени работници. Дополнително, набавени се и 21.000 комерцијална вакцина од Центрите за јавно здравство.

„За првпат, од оваа година се подобрува достапноста на бесплатните вакцини против сезонски грип,  покрај 10-те Центрите за јавно здравје, во вакцинацијата ќе бидат вклучени и три поликлиники: Букурешт, Чаир и Ѓорче Петров при Здравствен Дом Скопје. Во Центрите за јавно здравје, вакцинацијата ќе се одвива во две смени, додека пак бесплатната вакцинација во трите поликлиники ќе се одвива во периодот од 14:00 до 18:00 часот“, се вели во соопштението на Минитерството за здравство.

Заинтересираните лица можат да закажат бесплатна вакцинација од 18 ноември, преку својот матичен лекар.Како и во изминативе сезони, пикот на активноста на вирусот на сезонски грип се очекува во месец февруари.

„Политичката партија ВМРО-ДПМНЕ да престане да шири неточни информации во јавноста. Ширењето на лаги стана главната одлика за нивно функционирање, кои внесуваат забуна, недоверба и на штета на пациентите. Сите постапки кои се спроведуваат во Министерството за здравство се законски, во рок, јавни, транспарентни и на увид на целата јавност.Потенцираме, пикот на активноста на вирусот на грип е во месец февруари. Ноември и декември е оптималното време за вакцинација. Лековите се оригинални, квалитетни и не се од паралелен увоз, како што претходно беа набавувани“, реагира ресорното министерство.