(Видео) Немири на протестите во Љубљана, полицијата употреби водни топови и солзавец

 (Видео) Немири на протестите во Љубљана, полицијата употреби водни топови и солзавец

Slovenija, Ljubljana, 04.11.2020, 04. november 2020 Gradbeništvo, gradbena dela, posel, gradbišče, delovni stroji, Foto: Žiga Živulovič jr./BOBO

Маскирани лица се судрија со полицијата на вечерашниот протест во Љубљана. Словенечките медиуми пренесуваат дека не се знае кој стои зад протестите, а организаторите на петочните антивладини протести се оградија од денешниот настан.

Маскирана група луѓе се судри со полицијата на плоштадот Република, а целата ситуација се претвори во драма, пишува „Дело“. Полицијата употребила водни топови и солзавец за да ги растера демонстрантите, а на местото на инцидентот пристигнал министерот за внатрешни работи, Алеш Хојс.

Според словенечкиот весник, демонстрантите биле поделени во групи и се судриле со полицијата на неколку локации. Се слушнале неколку експлозии, а еден новинар бил повреден. Сведоци тврдат дека меѓу демонстрантите имало и навивачи на фудбалски екипи, пренесува „Дело“.

Медиумите јавуваат дека демонстрантите фрлале кон полицијата со бетонски плочи.

„Поп ТВ“ јавува дека три лица биле повредени, а две од нив биле пренесени во болница. Не е познато дали некој од полицајците е повреден.

„Дело“ пишува дека не е познато кој стои зад протестите овој пат. Повикот бил објавен на социјалните мрежи од групата ‘Анонимна Словенија’, а Движењето на свесни жители исто така повикало на протест пред парламентот. Двете движења се оградија од насилството.

Се огласија и организаторите на антивладините протести што се одржуваат секој петок. Тие тврдат дека четврток не е петок и дека немаат никаква врска со денешниот протест.