ВИДЕО: Нов силен земјотрес го потресе Крит

Овој силен земјотрес со јачина од 5,4 степени според Рихтеровата скала е регистриран на островот Крит.

Претходно, електронското издание на весникот „Прото тема“ објави јачина од 5,3 степени според Рихтеровата скала.

АНА-МПА се повикува на податоци од Институтот за геодинамика, според кои епицентарот на денешниот земјотрес бил во реонот на селото Аркалохори. Во понеделникот таму беше регистриран земјотрес со јачина од 5,8 степени.

Имаше повеќе од 40 последователни потреси по силниот земјотрес вчера, објави електронското издание на весникот „Прото тема“. 

Едно лице загина, а десетици беа повредени. Оштетени се повеќе од илјада згради. 

Повеќето од жителите ја поминаа ноќта надвор – во своите автомобили или во шаторскиот камп изграден за да ги засолни останатите без засолниште.

Експертите очекуваат сеизмичката активност да продолжи уште некое време. Најсилниот вчерашен потрес беше со јачина од 4,8 степени според Рихтеровата скала.