Владата ги прифати препораките на Комисијата за заразни болести – угостителските објекти ќе работат до 18 часот

 Владата ги прифати препораките на Комисијата за заразни болести – угостителските објекти ќе работат до 18 часот

Претседателот на Владата Зоран Заев на денешната прес конференција истакна дека Владата донела одлука да ги прифати препораките на Комисијата за заразни болести за нов пакет рестриктивни мерки за периодот од 18 декември до 20 јануари на полноќ со цел да се избегне зголемување на бројот на новозаболени од ковид-19.

„Мерките се однесуваат на ограничување на работното време на угостителските објекти, забрани за организирање предновогодишни и новогодишни забави на отворен и затворен простор, а имаме и јасни препораки до верските заедници, до работните организации, до општините и до рестораните во хотелските објекти“, истакна Заев.

Тој посочи дека Владата донела одлука угостителските објекти да работат до 18 часот.

„Угостителските објекти ќе работат до 18 часот, наместо до 21 часот како што беше досега со одлуките. Целта на оваа мерка е да издржиме сите уште малку пред ваквите рестрикции и да не дозволиме заради празнување да предизвикаме ескалации. Мерката носи име „Празнувај одговорно“ a целта е заштита од ковид-19 во предвечерието на вакцинација“, порача Заев.

>
>