Најмалку 10 спасувачи загинаа во израелски воздушен напад врз општинска зграда во близина на Бинт Џбеил, Либан, соопшти либанското Министерство за здравство.
Тие наведуваат дека пожарникарите биле во зградата кога била бомбардирана.
Израел нареди натамошна евакуација
Либански безбедносни извори потврдија за агенцијата ДПА дека загинале најмалку 10 лица. Либанската телевизија ЛБЦИ објави дека цел на нападот била зградата на Исламската здравствена управа, организација на Хезболах која управува со болниците во земјата.
Во меѓувреме, Израел продолжи со нападите во близина на Тир, Набатие и други области во јужен Либан.
Управата за цивилна одбрана соопшти дека во земјата се извршуваат повеќе од 160 мисии кои опфаќаат извлекување на тела и повредени од урнатините, како и гаснење пожари.
Израелската армија нареди евакуација на повеќе од 20 села на југот, што укажува дека нападите ќе продолжат.
Портпаролот на израелската армија на арапски јазик денеска издаде итно предупредување до населението да избегнува да биде на плажа или на чамци на либанскиот брег од реката Авали на југ до понатамошно известување.
Ultrasoft