Историски Ден за Мектебот во Лабуништа – Хафиза Елхана Максутоска Овластена како Муалиме
Со срце исполнето со емоции и гордост, Муфтијата на Муфтиството на ИВЗ-Струга, Х. Ади еф. Муртиши, денес го предаде овластувањето за подучување на Куранот во Мектебот на Горната Џамија во Лабуништа на Хафиза Елхана Максутоска.
Некогаш, таа беше малечка девојка што со љубопитност и жед за знаење ги слушаше часовите по Кур’ан. Денес, таа станува учителка на Неговите зборови! Од темнината на слепилото, Елхана ја пронајде светлината во зборовите на Аллах. Со неизмерна жртва, труд и искрена љубов кон верата, таа го заврши Хифзот и сега ќе биде водич за новите генерации.
“Ова е голем ден, вистинско чудо! Елхана докажа дека кога срцето е исполнето со светлината на Куранот, не постои пречка што не може да се надмине. Денес, таа станува светилник на знаењето и надежта за идните генерации!” – истакна Муфтијата на Струга, Х. Ади еф. Муртиши.
Со предавањето на ова овластување, Елхана не доби само должност – таа доби аманет, света мисија да ја всади светлината на Куранот во срцата на децата!
Аллах нека ја благослови оваа нејзина патека и нека ја награди со Неговите бесконечни дарови!
Муфтиството на ИВЗ – Струга
Ultrasoft