Едно лице загина, а 11 се повредени во рускиот напад врз Киевската Област

Во руски напад во Киевската Област попладнево, 55-годишна жена е убиена, а 11 лица се повредени, според полицијата на регионот Киев.
До 16:20 часот беше пријавено дека се оштетени 25 повеќекатни згради и 106 куќи, како и 88 автомобили, според полицијата, пренесува Укринформ.
Во областа Бровари повредени се три лица, а оштетени се 10 повеќекатни згради и 17 куќи, 42 возила, 20 гаражи, трговски центар и градинка.