Четири лица повредени во експлозија на противвоздушна граната во воен центар во Јужна Кореја

Четири лица се повредени откако противвоздушна граната експлодираше во воен тренинг центар во Паџу, во близина на меѓукорејската граница, објавија денес јужнокорејските воени претставници.
Експлозијата се случила утрово за време на вежба за гаѓање од воздушна одбрана, кога артилериски проектил од 30 милиметри се заглавил во магацин за муниција, објави Јонхап.
Тројца подофицери и еден цивил беа префрлени со хеликоптер во воена болница во Сеонгнам, јужно од Сеул.