Во Албанија, трендот на зголемување на бројот на туристи продолжува, достигнувајќи 2,45 милиони во првите четири месеци од оваа година.
Премиерот Еди Рама ги објави овие податоци во пост на Фејсбук, нагласувајќи дека само во април, 820 илјади странски гости ја посетиле Албанија.
„Во Албанија, во текот на месец април уживале 820 илјади странски посетители, зголемувајќи ја нивната вкупна бројка на 2,45 милиони во првите 4 месеци од 2025 година. Овој раст покажува дека Албанија ја консолидира својата нова позиција на европската туристичка мапа, бидејќи и понатаму се смета за изненадување на европските дестинации дури и за 2025 година“, пишува Рама.
Тој во својата објава напоменува дека од јануари до април минатата година, земјата била домаќин на 2,33 милиони туристи, во споредба со 1,68 милиони во 2023 година.
Во текот на минатата година, Албанија беше посетена од повеќе од 11,7 милиони странски туристи, што претставува раст од 15,2 проценти во однос на 2023 година.
Ultrasoft