Вчера во Струга се одржа состанок меѓу претставници на месните заедници од Лабуништа, Подгорци, Октиси и Боровец и раководниот тим на ЕВН, на кој главна тема беа проблемите со електроснабдувањето што ги засегаат жителите на овие населени места, особено во текот на зимата.
Присутните ги изнесоа забелешките за честите исклучувања на струјата и нестабилноста на мрежата, кои во изминатиот период предизвикаа сериозни потешкотии во секојдневното функционирање на домаќинствата и институциите.
Од страна на ЕВН беше нагласено дека компанијата е запознаена со состојбата и дека во наредниот период ќе преземе конкретни чекори за санација и модернизација на електричната инфраструктура во овие населени места, со цел подобрување на сигурноста и квалитетот на снабдувањето.
Претставниците на месните заедници изразија надеж дека најавените активности ќе се реализираат навремено и ефикасно, со што ќе се избегнат слични проблеми во иднина, особено за време на студените месеци кога потрошувачката е зголемена.
Ultrasoft