Фудбалската федерација на Македонија (ФФМ) реализираше рекордна донација на спортска опрема за 1.848 деца – пионери и помлади пионери – од младинските категории во натпреварувачкиот систем на федерацијата.
Вкупно 42 екипи кои настапуваат во Супер младинската лига, Втората и Третата младинска лига добија по 44 комплети опрема за тренинг, кои вклучуваат тренерки, маици и шорцеви, како и ранци, како и по 30 фудбалски топки за секој клуб.
„Сакам да нагласам дека оваа опрема е наменета исклучиво за децата и клубовите немаат право да ја наплаќаат на родителите“, изјави Масар Омерагиќ, претседател на ФФМ.
Тој додаде дека федерацијата ќе продолжи со поддршка на младинскиот фудбал, истакнувајќи дека иднината на македонскиот фудбал лежи во овие млади фудбалери.
„Ќе продолжиме да правиме сè што е потребно за да им помогнеме на оние кои вложуваат во младинскиот фудбал, затоа што иднината на нашата игра е токму во овие деца“, нагласи Омерагиќ.
Ultrasoft