Со масовно присуство на жителите на Лабуништа, независниот кандидат за градоначалник
на Општина Струга, Менди Ќира, ја отвори својата изборна кампања, со силна поддршка
од коалицијата ВЛЕН и кандидатите за општински советници.
„Лабуништа е место каде што жртвата, трудот и печалбарството напишале историја.
Но, тоа е и место на неисполнети ветувања. 20 години не владееја истите луѓе со
празни зборови. Ова мора да заврши!“ – истакна Менди Ќира во својот говор.
Ќира ги претстави своите конкретни проекти за Лабуништа: изградба на парк со
спортски терени, отворање на детска градинка со капацитет за 150 деца,
административна канцеларија, легализација на просторот за пензионери и изработка
на урбанистички план.
Исто така, тој го претстави и својот визионерски план за цела Струга, кој вклучува:
решавање на проблемот со депонијата, изградба на две подземни паркиралишта,
реконструкција на водоводот без азбестни цевки, уредување на плажите, изградба на
прифатилиште за кучиња скитници, како и повеќе паркови, културни и спортски
активности.
На отворањето зборуваа и претставници на коалицијата ВЛЕН, кои нагласија дека
поддршката за Менди Ќира е јасен доказ дека граѓаните на Струга се обединети за
промена.
„На 19 октомври, Струга ја одлучува својата иднина.нашиот град ќе добие власт каква што
заслужува – транспарентна, одговорна и развојна.“ – заврши Ќира, упатувајќи повик за
голема граѓанска мобилизација.
На настанот зборуваше и Адем Нуроски, заменик претседател на изборниот штаб, на Менди Ќира.
„Денеска имам особена чест и радост што сме собрани овде, за отворањето на нашиот изборен штаб и започнување на кампањата,“ изјави Адем Нуроски, заменик шеф на изборниот штаб на Менди Ќура.
Тој нагласи дека Лабуништа не е само точка на мапата, туку дом, сеќавања, семејство и соседи, и затоа чувствува голема одговорност заедно со граѓаните да се работи за подобро утре.
„Мојата задача е јасна – да бидам со вас, да ве слушам, да ги пренесам вашите проблеми и потреби и да помогнам тие да бидат решени,“ рече Нуроски, додавајќи дека приоритети се подобри патишта, уредено село и услови младите да останат тука.
Нуроски го истакна кандидатот Менди Ќура како човек со визија, искрена волја и енергија, кој знае да слуша, да разбере и – најважно – да работи.
„Нашата сила произлегува од заедничката желба и потреба за промена. Затоа на изборите да бидеме обединети: заокружете број 133 за Менди Ќура за градоначалник и број 7 за советничката листа,“ повика тој.
На крајот, изрази уверување дека заедно може да се создаде Лабуништа со подобри услови, сигурност и иднина за сите деца.
Ultrasoft