Макрон ќе се сретне во понеделник во Лондон со Зеленски и европските лидери

Францускиот претседател Емануел Макрон објави дека во понеделник, 8 декември, ќе отпатува за Лондон, каде што ќе се сретне со украинскиот претседател Володимир Зеленски, а во разговорите ќе учествуваат британскиот премиер Кир Стармер, како и германскиот канцелар Фридрих Мерц, пренесува Фигаро.
Целта на состанокот е да се „разгледа моменталната состојба и преговорите во рамките на иницијативата за посредништво на САД“ за прекин на војната во Украина.
„Русија прибегнува кон сè поагресивен пристап и не покажува подготвеност за мир“, рече Макрон и остро ги осуди масовните напади на Русија врз Украина, особено врз енергетската и железничката инфраструктура.