Орбан: Трамп направи грешка со санкциите против Москва

Унгарскиот премиер Виктор Орбан денес изјави дека верува оти американскиот претседател Доналд Трамп направил грешка со воведувањето санкции врз Русија и додаде дека ќе разговара со него за време на неговата посета на Вашингтон „за да бидат укинати“.
„Европската Унија не значи ништо. Доналд Трамп греши во врска со Путин, ќе го контактирам за да го убедам да ги укине санкциите врз Русија“, рече Орбан во изјава за италијанскиот весник „Република“, за време на посетата на Италија и Ватикан.
На прашањето што ќе разговара со италијанскиот премиер Џорџо Мелони, Орбан одговори дека темата на разговор ќе биде иднината на европската економија, бидејќи, како што изјави, Европа може малку да направи во врска со војната во Украина.