Пет лица загинаа во руски напад на патнички воз во Украина – Зеленски: Ова е терористички чин

Русија изврши масовен напад со беспилотни летала врз Украина преку ноќ, при што загинаа најмалку 12 лица низ целата земја.
Патнички воз беше погоден во Харковската област, при што загинаа пет лица, додека нови цивилни жртви беа регистрирани во нападите врз Одеса и околината на Киев. Украинскиот претседател Володимир Зеленски го нарече нападот врз возот „терористички чин“, пишува „Јуроњуз“.
„Убивањето цивили во вагон на воз нема и не може да има никакво воено оправдување“, напиша Зеленски.
Во возот имало повеќе од 200 патници, од кои 18 биле во вагонот погоден од рускиот дрон.
„Русите значително ја зголемија својата способност за убивање и тероризирање“, додаде тој, повторувајќи ја потребата од поголем притисок врз Москва, порака што постојано им ја испраќа на своите сојузници.
Бран од над 50 руски беспилотни летала го погоди и црноморското пристаниште Одеса во вторник, каде што, според официјални лица, три лица беа убиени, а повеќе од 30 беа ранети, вклучувајќи две деца. Цели на нападот беа градската електрична мрежа, која Русија постојано ја напаѓа за да ги прекине снабдувањето со електрична енергија и греење во сред зима, и пет станбени згради.

Everyone should see this right now. A baby being pulled out of a passenger train in Ukraine. Civilians purposefully targeted. This is sick. A friend of mine on the train just sent me this harrowing footage. pic.twitter.com/FjLgUirPBS
— Caolan (@CaolanReports) January 27, 2026