Поранешната главна судијка на Непал, Сушила Карки (73), денес стана премиер во привремена влада задолжена да обезбеди преоден период до изборите закажани за март 2026 година, по смртоносните немири оваа недела.
Првата жена во Непал што ја извршуваше оваа функција, поранешна највисока судијка во земјата, вечерва положи заклетва пред претседателот Рамчандра Паудел.
Штом Сушила Карки ја презеде функцијата, шефот на државата, по нејзина препорака, го распушти парламентот и го одреди датумот за парламентарни избори за 5 март 2026 година.
Распуштањето на парламентот беше во преден план на барањата на младите демонстранти кои ги предводеа протестите.
Повеќе од 50 лица загинаа во немирите во Непал, вклучувајќи 21 демонстрант и тројца полицајци.
Десетици илјади демонстранти излегоа на улиците на главниот град претходно оваа недела за да протестираат против одлуката на владата да ги блокира повеќето платформи на социјалните медиуми, вклучувајќи ги Фејсбук, Инстаграм и Јутјуб, врз основа на тоа што компаниите не се регистрирани во Непал и се предмет на државен надзор.
Армијата ја врати контролата врз главниот град. Вооружени војници, придружувани од оклопни возила и тенкови, денес продолжија да патролираат по пустите улици на Катманду.
Ultrasoft