Рускиот претседател Владимир Путин денес, по повод втората годишнина од анексијата на украинските региони, изјави дека Русија „ќе ги постигне сите свои цели“ во Украина.
„Вистината е на наша страна. Сите цели ќе бидат остварени“, рече Путин во видеообраќањето, честитајќи им го на Русите „Денот на обединување“ со украинските региони Луганск, Доњецк, Запорожје и Керсон, кој Русија го слави на 30 септември.
Тој го поздрави „фаталниот настан“ што беше потребен за да се заштитат жителите од тие области кои зборуваат руски јазик од „неонацистичка диктатура“ и „радикален национализам“.
„Ние не ги напуштивме нашите браќа и сестри“, истакна Путин, а потоа повторно ја бранеше „потребата и легитимноста на специјалната воена операција“, како што руската влада ја нарекува бруталната офанзива против Украина.
„Денес се бориме за безбедна и успешна иднина на нашите деца и нашите внуци“, тврди тој.
Путин ја потпиша официјалната анексија на украинските региони на 30 септември 2022 година, иако Москва не ги контролира целосно.
Ultrasoft