Соединетите Американски Држави денеска го предупредија Израел за каква било офанзива во Либан што би „наликувала“ на она што се случи во Појасот Газа, како одговор на изјавите на израелскиот премиер Бенјамин Нетанјаху.
„Јасно кажувам дека не треба да има воена акција во Либан што личи на Газа и има исход во Газа. Тоа не би било прифатливо“, изјави портпаролот на Стејт департментот Метју Милер на новинарите кога беше запрашан да ја коментира изјавата на Нетанјаху еден ден претходно дека им се закани на Либанците.
„Не сакаме да видиме како Либан се претвора во нова Газа“
Во видео-пораката упатена до народот на Либан вчера, Нетанјаху рече дека Хезболах е послаб отколку што беше со многу години и ги повика Либанците да ја „вратат својата земја“ и да ја ослободат од Хезболах, заканувајќи им се со сценарио за Газа. „Не можеме и нема да видиме како Либан се претвора во нова Газа“, изјави портпаролот на Стејт департментот.
Американскиот претседател Џо Бајден и израелскиот премиер Бенјамин Нетанјаху телефонски разговараа за одговорот на Израел на неодамнешното лансирање ракета од Иран, а Белата куќа во врска со тоа објави дека разговорите за напад врз Иран продолжуваат.
Разговорот на претседателот Бајден со израелскиот премиер Нетанјаху во средата беше „директен“ и „продуктивен“ и вклучи дискусија за потенцијален напад врз Иран, соопшти Белата куќа. „Тоа траеше 30 минути и беше директно и продуктивно“, рече портпаролката на Белата куќа Карин Жан-Пјер.
Израелскиот претставник во ОН рече дека разговорот меѓу Бајден и Нетанјаху бил „позитивен“ и дека Израел „ја цени поддршката од САД“.
Ultrasoft